Hemeroteca web  |  RSS   RSS
Martes 30.09.2014  | Actualizado 14.00

El Correo Gallego Radio Obradoiro CorreoTV Terras de Santiago Anova multiconsulting
Noticia 1 de 1 Galicia  |   RSS - Galicia RSS

educación

A Xunta, a prol de manter dúas modalidades de bacharelato nos institutos galegos

SANTIAGO. EP  | 26.04.2012 
A- A+

O presidente da Xunta, Alberto Núñez Feijóo, anunciou este xoves que o seu Executivo está a avaliar a posibilidade de manter dúas modalidades de bacharelato en todos os institutos da comunidade, malia que a norma estatal permite deixar unha soa de cara a reducir custos, e avanzou que o formulará na Mesa de Educación.

Manifestouno na rolda de prensa posterior ao Consello da Xunta, na que plasmou que Galicia, con características xeográficas específicas e marcada dispersión no rural, estuda non se acoller á opción que dá o Estado ao eliminar a obrigatoriedade de que cada centro oferte polo menos dous das tres modalidades de bacharelato --Ciencias e Tecnoloxía, Humanidades e Ciencias Sociais, e Artes--.

Este anuncio chega un día despois de que o máximo mandatario galego avanzase tamén en sede parlamentaria que a Comunidade as taxas universitarias "entre as menores de España" e que non incrementará a ratio de alumnos por aula, malia que os últimos axustes do Executivo central van tamén nese camiño.

Este xoves xustificou ambas as dúas decisións, así como formular a posibilidade de non reducir as modalidades de bacharelato nos centros galegos, baseándose na "mellor" situación financeira de Galicia. "Se somos capaces de manter a solvencia, gustaríanos contar coa máxima calidade e oferta na educación", esgrimiu.

Núñez Feijóo remarcou que a situación de Galicia é "un pouco mellor" que a doutras comunidades autónomas, o que lle permite certa marxe "de flexibilidade", aínda que sempre cumprindo a "obriga" que marca a Constitución de "respectar" a lexislación estatal "básica".

Fronte a iso, manifestou a súa "sorpresa" polo feito de que o líder do PSdeG, Pachi Vázquez, lle pedise na Cámara galega pactar unha lei alternativa á estatal para "blindar" os servizos educativos e sanitarios, que el rexeita por "inconstitucional". "Que un grupo pida o incumprimento da Constitución non é normal, pero que o faga o PSOE pareceunos sorprendente", apuntou.

TAXAS UNIVERSITARIAS

Neste escenario, o presidente galego reafirmouse en que, dentro da flexibilidade que lle permite a lexislación básica, Galicia ten que decidir e que decidiu non elevar o número de alumnos por aula e seguir no marco das comunidades coas menores taxas universitarias".

Sobre o compromiso que manifestou a semana pasada de que se formularía aos reitores en qué medida desexaban subir as taxas, replicou que "se falou con eles" e que o responsable autonómico de Universidades, así como o conselleiro de Educación, Jesús Vázquez, lle manteñen "informado" destas conversacións.

Así, apuntou que as súas palabras deste mércores no Parlamento son "produto" deste diálogo previo. "Moverémonos na banda máis baixa de aumento das taxas en España", aseverou, ao tempo que se fixo eco da vontade dos reitores de ser "austeros" e pedir "o menor esforzo posible" aos estudantes galegos.

Escribe o teu comentario

Para escribir comentarios ás noticias, debes ser usuario rexistrado. De non selo rexístrate agora

1000 Caracteres dispoñibles

www.galiciahoxe.com eliminará os comentarios considerados ofensivos ou que vulneren a legalidade.

Grupo Correo Gallego
Ante calquera dúbida, problema ou comentario
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade. Política de Cookies
Auditoría Audiencia Sites
Titulares RSS