Hemeroteca web | RSS  RSS     Luns 10.12.2018 Actualizado 13:06
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Galicia  |   RSS - Galicia RSS

O XXVII Mercado Medieval de Mondoñedo contará con 150 postos e máis de 70 actividades

Presentación do Mercado Medieval de Mondoñedo en Santiago
 - FOTO: REMITIDO AYUNTAMIENTO
Presentación do Mercado Medieval de Mondoñedo en Santiago - FOTO: REMITIDO AYUNTAMIENTO

SANTIAGO. EP  | 09.08.2018 
A- A+

O XXVII Mercado Medieval de Mondoñedo, que se celebra desde este venres até o domingo neste municipio lucense, contará con 150 expositores e máis de 70 actividades.

O evento foi presentado este xoves en Santiago de Compostela pola alcaldesa de Mondoñedo, Elena Candia, quen destacou a incorporación dos novos contidos deste evento, así como unha maior presenza de autores locais, como Souto Xímaro, Gaita Escola ou Mondrum.

A cita, declarada o ano pasado Festa de Interese Turístico Galego, inclúe unha ampla programación que recolle animación de rúa, música, actividades de recreación histórica, demostracións e talleres para todas as idades, así como degustacións e venda de produtos da terra.

Precisamente, a alcaldesa mindonense agradeceu a colaboración de asociacións como Amigos do Mercado Medieval, Xoldra e O Pasatempo que "ano tras ano traballan desinteresadamente nesta cita. De feito, polo seu interese e implicación, o pregoeiro desta edición será José Ramón Montenegro.

NOVIDADES
Entre as novidades desta edición atópase a estrea dun espectáculo de teatro musical coa participación dos membros da Escola de Música, que terá lugar no atrio do Seminario. Así mesmo, Gaita Escola, Souto Xímaro ou Mondrum poderán música a esta cita medieval que contará cos monicreques de Mircromina.

A ampla variedade de actividades programadas para este XXVII Mercado Medieval empezará ás 20,00 horas do venres cunha batucada a cargo do grupo Mondrum. Ademais, o sábado haberá degustacións de pan, viño e cervexa, así como actuacións musicais ou demostracións en directo de oficios artesáns.

 

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS